Exams beete kafi time ho gya tha lekin hum dono mandir k bahane mila krte the.Isi beech he said that he loves me. Sach kahu to samjh hi nhi aata tha ki unke ye kehne pr Mai kya kahu. Apni feelings ko le kr Mai bahut unsure si thi. Haan unka sath rehna , unse baaten krna bahut pasand tha mujhe pr kya itna kafi tha ? Plus kya unka ehsaas bhi pakka hai ? Ya bas unhe mere prati attractions hai ye nhi samjh pati thi. Unki mere life me kya jagah h ye janna Thora mushkil tha mere liye kyuki Mai khud kafi cheezon se heal kr rhi thi. Is healing process me unhone bahut help ki meri. Hum Mandir sath Jaya krte the. Hafte me ek baar to mil hi lete the. Baaten bhi kafi hoti thi. Subah jagne k baad se le kr raat ko sone Tak lagbhag saare updates ek dusre ko hum dete the. Pr ab tension tha cuet ka . Bhagwan Jane usme kya hone wala tha. Ek subah jaise hi jaagi mai unka text dekha. Unhone kafi kuch likha tha usme. Fir 10 bje k aas paas unhone bataya ki wo apni behen ko le kr Ghar ja rhe. Unka ghar jana mujhe nhi pasand. Sach kahu to iske peeche kya karan hai aaj tak mai khud nhi samjh pai. Aisa nhi h ki Mai unke parivaar ko nhi pasand krti, bilkul nhi , mai sabki bahut izzat krti hoon , khas kr k unki maa ki, jis hisaab se wo sab kuch handle krti hai , including Adi , ye bahut acha lagta h mujhe. Lekin kuch to hai jo mujhe andar se ajeeb lagta hai. Kya , ye nhi pata. Us wakt to unhe haan keh diya maine. Doopeher 12 bje k aas paas unka text aaya mujhe jisme wo mujhse Mera roll number puch rhe the. Mujhe malum ho gya tha ki result aagya h. Although maine apna result check Kiya , or unka bhi. Ab mujhe apne result ki khushi nhi thi , tha to bas dukh or tension. Bas unko santavna de rhi thi , wo surakshit rhe yahi tay krna tha bas. Jaise taise kr k wo samay beeta, shaam ko wo mere paas aaye. Mujhe us din Ghar se bahar koi Jane nhi de rha tha. Sab rok rhe the pr mujhe koi dikh rha tha to sirf Adi. Mera unke paas hona jaroori tha. Mai Ghar se nikli or wo mera wait kr rhe the. Wo bhi har mushkil se jhoojh kr mere paas aaye the. Hum jaise taise mandir pahuche. Or uske baad park gye. Wahan unhone mujhe halke se side hug kiya. Unka chehra utra hua tha. Jaise sab toot rha ho waise. Wo dikha nhi rhe the lekin unke andar chal rhe toofaan ko samjh pa rhi thi mai. Hum dono sath baithe, or unhone mere kandhe pr sir rakha. Na chahte hue bhi meri aankhon se aansu aagye. Bas jee chah rha tha ki unhe gale laga lu or unka saara dard khud me samet lu. Wahan unse kuch na keh saki mai, or Ghar chali aai. Raat ko jab unko phone Kiya to wo phone pr ro diye , or mai bhi khud ko n rok saki. Jaise jaise unki aankhon se aansu aarhe the waise waise lag rha tha maano jaise mere dil ko koi nichod rha ho. Unhe shaant to Kiya Maine , pr khud se ek vaada kr liya ki unhe haarne nhi dungi. Jaise hoga , jo mere bas me hoga wo sab karungi. Bas unko chorungi nhi. Usi raat mujhe ye ehsaas hua ki unki ehmiyat kya h mere life me. Bhale hi mai unse kisi rishte se nhi bandhi thi lekin haan mera mann kahin n kahin unko le kr samrpit hone laga tha. Maine than liya tha ki ab Adi Ghar wapas nhi jayenge. Aaj bhi jab wo din yaad krti hoon ya jab mai ye likh rhi to meri aankhon se aansu aarhe hai. Bhavishya ka to nhi pata mujhe lekin jab bhi wo apne zindagi ke ye pal yaad karenge to shayad usme Mera naam bhi aaye unke zehen me. Shayad unki zindagi k chote se hisse pr hi sahi pr Mera adhikar hua.